عيد التقدمة بالمواليد الجدد – الشارقة

عيد التقدمة بالمواليد الجدد

إحتلفت رعية مار ميخائيل في الشارقة بمناسبة عيد التقدمة بالمواليد الجدد

سمعان الشيخ تنبأ أنه يسوع هو نورا للأمم الوثنين: نعم صحيح يسوع أعلن عن ذاته في إنجيل القديس يوحنا أنا نور العالم، واليوم في إنجيل الأحد الخامس من زمن السنة بيعلن وبيقول أنتم نور العالم، وأنتم ملح الأرض. هاي هي دعوتنا الحقيقية في قلب بيوتنا وفي عائلاتنا وفي كنيستنا وفي العالم كله: نكون نور ونكون ملح.
اليوم العالم كله أنوار، لكن نور العالم بيطفي، اسم وبيختفي، سيارة بروح موديلها، موبايل بيجي الأحدث منه، لكن يسوع ما بيجي مثله ولا بتغير ونور يسوع ما بينطفي. خلي نور يسوع مضوي بيتكم وحياتكم وعلاقتكم. حتى تعرفوا تحبوا بعض صح، حتى تعرفوا تكملوا هاي الحياة وهالمشوار صح، حتى تعرفوا تحافظوا على الأمانة اللي الرب منحكم إياها.
الملح: الملح ولا النور ما بفيد حاله، بفيد غيره، الشمعة بتحترق تتعطي نور، والملح بيذوب ما بيعود يبين حتى يصنع فرق. بيعطي طعم أطيب، وبحافظ على الحياة، وبيدوب الثلج. كونوا ملح، بيصنع فرق، بتخلوا الحياة أحلى، أنا مش شايف الملح بالأكل بس أثره موجود وفاعليته حاضرة.
وفي ختام القداس قدم الأب وسام الأطفال على مذبح الرب ووزع لهم شمعة تذكارية ليكون يسوع هو نور عائلاتنا وحياتنا لنشع نوره ويكون هذا الطفل أيضاً نوراً يصنع فرقاً في العالم.